A IV Convivencia Profesional e Interuniversitaria de Educación Social celébrase en Lobios (Ourense) os días 26, 27 e 28 de setembro de 2025.

Organizado polo Colexio de Educadoras e Educadores Sociais de Galicia (CEESG) e coordinado pola Facultade de Educación e Traballo Social da Universidade de Vigo, o encontro reune a máis de 200 profesionais e estudantes de Galicia, Castela e León, Asturias e Portugal para reflexionar, compartir experiencias e fortalecer a Educación Social.

• Un programa para aprender, gozar e conectar
  Conferencias e obradoiros con especialistas en acción socioeducativa.
•  Actividades culturais, lúdicas e un festival musical.
•  Rutas pola impresionante Serra do Xurés, descubrindo a súa natureza e tradicións.

Un encontro que xa vai pola cuarta edición e que persegue

•  Visibilizar e fortalecer a profesión da Educación Social.
•  Promover a cultura e o entorno rural de Ourense.
•  Crear un espazo de diálogo entre o ámbito académico e profesional.

A presentación tivo lugar o pasado venres, coa benvida aos participantes da man da nosa rexedora Mari Carmen Yáñez, Ana Patricia Torres deputada provincial na Deputación de Ourense e Arturo Parrado, Director Xeral de Inclusión.

Agardamos que esta convivencia continúe consolidándose e mantendo o Xurés como punto de encontro.