Onte, domingo,  Lobios acolleu a III Festa Etnográfica da Respiga. 

Unha xornada organizada pola Asociación Cultural  Os Follateiros de Lobios permitiu gozar das nosas raíces, gastronomía,  música, os oficios tradicionais e a cultura popular.

O evento, que xa vai polo seu terceiro ano,  reuniu a multitude de veciños e visitantes que gozaron dun completo programa de actividades, feira de artesanía, concurso, xogos e actuacións coa tradición da nosa contorna como fío conductor. 

Acompañaron Os Cabreiros de Muiños e Os Farrangalleiros de Castro Leboreiro, aportando cada quen o seu  senlleiro selo.

O evento permitiu aos asistentes gozar dun marabilloso día de celebración e  convivencia ao aire libre.